انا بنتى عندها شهر ونصف من يوم الولاده

PIC-752-1341424237

 
دكتور مساء الخير انا بنتى عندها شهر ونصف من يوم الولاده هى مش بتنام بالليل خالص لحد 9 صباحا ومن 9 صباحا لحد بالليل بتنام مقطع يعنى ممكن تصحه كل نصف ساعه.و ممكن تقعد ساعه ترضع لحد ما تنام تانى وبعد كده تصحه وتقعد ترجع كل اللى رضعنه مش عارفه اعمل ايه معها وانا عندى طفل تانى مش عارفه اتعمل معه بسبب الراهق معها طول الوقت ممكن تفدنى اعمل ايه ..وشكرا …

الاجابة

الطفل فى الثلاث شهور الاولى يكون نظام اليوم مقلوب اى ينام بالنهار ويصحى بالليل لانه نفس نظام اليوم الذى كان ينهجة داخل الرحم وقد تلاحظ بعض الامهات زيادة حركة الطفل فى الرحم ليلا اكثر من نهارا ويستمر الطفل هكذا حتى يتعود على نظام النوم العادى بالتعود

بنتى عندها فتاء

بنتى عندها فتاء عندها شهرين ونص ليه علاج الان و رباط الصره اللى فى الصيدلية غلط انى احطهلها؟ ارجو الرد

الاجابة

متحطيش اى حاجة خالص وانسيها واعتبريها مش موجودة وبنسيب الطفل حتى اربع سنوات المعظم بيقفل لوحدة ولو مقفلتش سعاتها بنستشير دكتور جراحة اطفال ودى بتكون نسبة ضئيلة من الاطفال

دكتور بنتى فى اول التاسع وبتشرب شاى معلقتيين

لو سمحت يا دكتور بنتى فى اول التاسع وبتشرب شاى معلقتيين فى اليوم غلط ولا ايه وايه هيا الحاجات الممنوعه لغايه السنه

الاجابة

الحاجات المنوعة كتير ويفضل لا يا فندم لانة فى مواد مفيدة بس بيضر الطفل بانة بيمنع امتصاص الحديد ويجعلة عرضة اكثر لحدوث الانيميا ومع بعض الاطفال بيسبب عدم انتظام النوم والصحيان فترة كبيرة

دكتور بنتى عندها شهر ونص وقعت من على الكنبة

من فضلك يا دكتور بنتى عندها شهر ونص وقعت من على الكنبة عيطت بعدها شوية مش كتير اخدتها فحضنى وطبطبت عليها سكتت عملتلها تمارين لايدها ورجلها معيطتش ولعبتها ضحكتلى بعدها ب10دقايق تقريبا جالها زغطة ورجعت حبة صغيرين من فضلك قولى كجة محتاجة كشف او فى مشكلة

الاجابة

الان لا بس كان المفروض تاخديها على طول على المستشفى ساعتها لعمل اشعه على الراس للاطمئنان على الجمجمة مع الفحص الشامل

ترك طفلة شهر ونص لوحدها على كنبة وتقع دة اهمال اهمال اهمال يا فندم

انا بنتى بتاكل زبادى من الشهر السادس ..

دكتور لو سمحت انا بنتى بتاكل زبادى من الشهر السادس .. ومعملهاش حساسيه وهى دلوقتى عشر شهور وفجاه جسمها كله حصله طفح جلدى نقط حمرا كتير فى كل جسمها من اول راسها لرجليها .. وتانى يوم راح لوحدو
..وانا وقفت الزبادى والموز .. هل ممكن تكون حساسيه ولا ايه دا بالظبط …ارجو الافاده علشان خايفه تتكرر معاها تانى وانا مش قادره احدد السبب.. مع العلم انى مدخلتلهاش اى حاجه جديده فى الاكل ولا اخدت ادويه ..

الاجابة

ياريت تراقبى كل الاكل وخصوصا زبادى الفواكه وياريت تديها زبادى ساده خالى الدسم لايت ولان ياريت تديها دواء للحساسية مع لسيون ملطف للجلد