بنتى عندها10شهور واسبوعين وهى ضعيفة لما وزنتها

السلام عليكم انا بنتى عندها10شهور واسبوعين وهى ضعيفة لما وزنتها فى تطعيم الشهر التاسع كانت 8كيلو وهى معظم الوقت رافضة الاكل وخايفة جدا من وزنها عند السنة الوز الطبيعى لسنة يكون قد اية وهى طلعت سنتين تحت واتنين فوق فهل دة طبيعى ارجو الاهتمام بالموضوع جزاكم الله كل خير

الاجابة

الوزن مش قليل اوى بالنسبة للسن دة حوالى 8 كيلو ونص والسنان طبيبعى بردة نرجو بس الاهتمام بالاكل مع الرضاعة وكلة هيبة تمام باذن الله

يادكتور بنتى سلمى عندها 8شهور و22يوم ووزنها 8كم و600جم وطولها 74سم

السلام عليكم لو سمحت يادكتور بنتى سلمى عندها 8شهور و22يوم ووزنها 8كم و600جم وطولها 74سم بتاكل احيانا كويس وهى طلعت سنتين تحت بس اوقات بشم رائحه كريهه جدا طالعه من فمها خصوصا لما بتصحى من النوم وبتعمل براز كويس حوالى 4او 5 مرات فى اليوم بس احيانا بيكون كذا لون وبتحاول تزحف واغلب الوقت تمسك فى اى حاجه وتقف ،انا قلقانه جدا من الرائحه ديه اعمل ايه؟؟

الاجابة

بسم الله ما شاء الله بنتك طبيعية زى الفل واحييكى على الاهتمام بها

بالنسبة للرائحة ليها عدة اسباب ممكن تكون اول ما بتصحى جعانة فبتظهر هذة الرائحة وممكن يكون فى فطريات فى فمها بتسبب الرائحة دى وممكن كمان التهاب باللوزتين ودة بردة يسبب الرائحة دى

بنتى عندها شهرين ونص وزنها 4.500 .. وزنها عند الولاده كان 1900

السلام عليكم يادكتور … عندى سؤالين لحضرتك
بنتى عندها شهرين ونص وزنها 4.500 .. وزنها عند الولاده كان 1900
هل بتزيد كويس كده ولا وزنها قليل ؟؟
السؤال التانى .. احيانا وهى صاحيه بنيمها على بطنها على السرير لبضع دقائق هل فيه خطر عليها فى السن ده ولا عادى؟؟ ولو عادى المفروض انيمها قد ايه على بطنها وبعدين ارجع اعدلها تانى على ظهرها؟؟

الاجابة

وزنها كويس وبتزيد كويس والمفرض الطفلة فى السن دة تزيد حوالى 750 جرام كل شهر فى اول اربع شهور

النوم على البطن فى السن دة بيريح الطفل من الانتفاخ وملوش وقت محدد متقلقيش عليها

سجي عندها8 شهور ونص ووزنها 7 كيلو دة قليل ولا مثالي

 بنتي سجي عندها8 شهور ونص ووزنها 7 كيلو دة قليل ولا مثالي واكلتها يومين تاكل تلات مرات في اليوم طبعا اكل من غير سكر او ملح يعني برتقال علي جزر مهلبية سيريلاك قمح رز مضروب مبغصبش عليها الاكل خالص بس بخلي الطبق وكل شوية اجرب اخدت خير ماخدتش مبغصبهاش اما اللحوم ملهاش تقل يعني كل مدة حتة من الصدر الفرخةمستوية بس لوحدها لو حطتها علي الخضار ماتاكلهاش خالص بس هوة مش كدة غلط انها متاخدش البروتين غير البيضة المسلوقة بتاعة كل يوم ولا دة كافي ولا اية محتارة ولو تفيدني يبقة شكرا ليك وجزاك الله كل الخير

الاجابة

الوزن فى الشهر الثامن بيكون حوالى 8 كيلو يعنى دة قليل شوية بس فى المعدل الطبيعى، موضوع البيض كويس بس بردة حاولى تنوعى مصادر البروتين وكمان الخضار مهم وممكن تخلطية بحاجة هى بتحبها

ابني عنده 9 شهور و زنه 11 كيلو ونص و طوله 75 سم هوه كده وزنه زائد

ابني عنده 9 شهور و زنه 11 كيلو ونص و طوله 75 سم هوه كده وزنه زائد و للا لا؟ ارجوك الافاده و هوه مطلعش غير سنتين تحت هل هوه كده متاخر؟؟و شكرا

الاجابة

هو فعلا كدة يبقى وزنة زائد ومتاخر شوية فى التسنين بس مازل فى المعدل الطبيعى ياريت تتابعى منحنى النمو الخاص بية