بنتي عندها 6 شهور وبدات اكلها تفاح مهروس

لو سمحت يادكتور انا بنتي عندها 6 شهور وبدات اكلها تفاح مهروس وخضار مهروس بس هي مشمستطعماه خالص وانا عارفه ان الملح غلط في السن ده فهل ممكن احط رشه قرفه عشان الطعم او اضيف اي اضافه اخري؟؟؟ شكرا يادكتور

الاجابة

يفضل عدم اضافة اى شئ ولكن القرفة ممكن تجربيها وبردة راقبى المغص والانتفاخ والامساك ولون البراز

سجي عندها8 شهور ونص ووزنها 7 كيلو دة قليل ولا مثالي

 بنتي سجي عندها8 شهور ونص ووزنها 7 كيلو دة قليل ولا مثالي واكلتها يومين تاكل تلات مرات في اليوم طبعا اكل من غير سكر او ملح يعني برتقال علي جزر مهلبية سيريلاك قمح رز مضروب مبغصبش عليها الاكل خالص بس بخلي الطبق وكل شوية اجرب اخدت خير ماخدتش مبغصبهاش اما اللحوم ملهاش تقل يعني كل مدة حتة من الصدر الفرخةمستوية بس لوحدها لو حطتها علي الخضار ماتاكلهاش خالص بس هوة مش كدة غلط انها متاخدش البروتين غير البيضة المسلوقة بتاعة كل يوم ولا دة كافي ولا اية محتارة ولو تفيدني يبقة شكرا ليك وجزاك الله كل الخير

الاجابة

الوزن فى الشهر الثامن بيكون حوالى 8 كيلو يعنى دة قليل شوية بس فى المعدل الطبيعى، موضوع البيض كويس بس بردة حاولى تنوعى مصادر البروتين وكمان الخضار مهم وممكن تخلطية بحاجة هى بتحبها

بنتي عندها سنه و11شهر معندهاش شهيه اطلاقا

بنتي عندها سنه و11شهر معندهاش شهيه اطلاقا للاكل كان وزنها حلو من 5شهور وخسه خالص وزنها حاليا12كيلو وبتقعد3ايام متاكلش خالص بتشرب ميه ولبن جهينه بالفراوله وبيجيلها اسهال كتير. الحل ايه علشان هيا بتصعب عليا من قله الاكل وهيا شقيه جدا وكمان بقت عصبيه خالص.. وجزاك الله كل خير

الاجابة

الوزن الان كويس وفى المعدل الطبيعى

نرجو الاهتمام بعمل تحليل براز وصورة دم للاطمئان ان مفيش عدوى بالديدان او طفيليات او انيميا

محاولة تقلقيل الماكولات الخارجية زى السناكس والشيبسيات لانها تسبب سوء تغذية للطفل

والاهتمام بالخضار والفاكهة

رودينا بنتي عمرها 6 شهور و بدأت أأكلها سريلاك

دكتور رودينا بنتي عمرها 6 شهور و بدأت أأكلها سريلاك بس حاسه انها مابتزيدش و بدأت تقلل من الرضاعه وده مدايقني كمان شعرها بيقع بشكل مش طبيعي مالي السرير وبقى في فراغات في راسها..اخر حاجه المفروضاشربها مايه؟واعرف منين انها عطشانه؟  شكرا

الاجابة

الف سلامة على رودينة ما هو وزنها الان؟

ويارت نعمل تنظيم بين الرضاعة وكمان الاكل وفى على الموقع انظمة غذائية لسن رودينة

ممكن تشربيها هذة الفترة ممكن بعد كل وجبة تحاولى تديلها ككميات صغيرة هتلاقيها عاوزة تشرب ولو مش عاوزة هتقفل بقها وهترفض

اتمنى ان اكون اجبت حضرتك

بنتى عندها 3شهور ونص هل فى ضرر لو ابتدت تاكل زبادى

 لو سمحت يادكتور بنتى عندها 3شهور ونص هل فى ضرر لو ابتدت تاكل زبادى
وكمان دلوقتى علطول بتحط ايديها فى فمها او تاخد اي حاجه حواليها على فمها ومش عارفه ليه

الاجابة

يفضل الطفل مايخدش اى شئ غير الرضاعة فى اول 6 شهور فياريت ناجل الزبادى للشهر السادس

وبالنسبة لموضوع الصوابع فدة طبيعى بس ياريت تخلى المكان الى حولها دائما نظيف