ابنى عندة سنة وشهر وعندة سنتين فوق واتنين تحت هو كدة متاخر فى التسنين

يا دكتور لو سمحت ابنى عندة سنة وشهر وعندة سنتين فوق واتنين تحت هو كدة متاخر فى التسنين ولا اية وهو بيمشى بس السنتين اللى فوق فيهم لون اسود دة من اية

الاجابة

كويس جدا وبالنسبة للنقط اهتمى بالغذاء والرضاعة ولو استمرت النقط ممكن نستشير طبيب اسنان 

ابنى عنده 7سهور و10ايام ويادوبك ابتدا يضلع اول سنة

انا ابنى عنده 7سهور و10ايام ويادوبك ابتدا يضلع اول سنة وانا بحطو فى المشاية دة صح ولا غلط هو ووزنة 9.5 هو الوزن فى السن دة بيكون كام والطول بيكون كام

الاجابة

الطول عند عمر سنة 75 سم والوزن حوالى 7 كيلو ونص ووزنة زايد وخلى بالك والمشاية يفضل كمان شهر وخلى بالك من حوادث المشابة

ابني حاليا سنه و14 يوم وسنن 6 اسنان ومن 4 شهور

دكتور بعد اذنك انا ابني حاليا سنه و14 يوم وسنن 6 اسنان ومن 4 شهور مسننش تاني هل التاخير ده فيه مشاكل؟
ممكن ادربه علي البوتي من امتى؟
الاكل بالنسبه له بجد دوا مش بيرضى ياكل كويس بيحب اللعب اوى اكتر من اى حاجه اعمل ايه
شكرا جداااااااااااااااااااا جداااااااااااااااا يا دكتور علي تعاونك وعلي البيدج الروعه دي

الاجابة

التاخير مفهوش مشكلة خالص وممكن تبداى تدربية على البوتى من الان والاكل ياريت تشاركية فى الاكل وتخلية ممكن ياكل مع اطفال فى مثل سنة

بنتي يا دكتور مطلعتش اسنان الى الان وهي عندها 8 شهور ومش بتسحف

بنتي يا دكتور مطلعتش اسنان الى الان وهي عندها 8 شهور ومش بتسحف ورفضه الاكل بتاكل بالعايط وكمان شعرها اتغير ومبقاش زي الاول
وسؤال عن ابن اختي عنمره سنتين ومش بياكل زي الاول خالص وبيحتفظ بالاكل في فمه لفتره طويله ايه السبب

الاجابة

ياريت نعرف وزنها كام وكمان نحاول نهتم بتنويع الاكل واستخدام الخضار والفاكهة واستخدام دواء كالسيوم

وعن ابن اختك ياريت نعمل تحليل براز وصورة دم للاطمئنان

انا عندى بنتى عنان 8 شهور ونص ولسه ماطلعتش ولا سنه

السلام عليكم يادكتور ..انا عندى بنتى عنان 8 شهور ونص ولسه ماطلعتش ولا سنه وبترضع طبيعى وبتاكل خضار مطحون وصفار بيض ..هل هى كده متأخره عن التسنين؟مع العلم انى بدلها فيتامين( سفن سيز)وهل محتاجه كالسيوم؟ارجو الرد للاهميه..هى وزنها 10 كيلو

الاجابة

ممكن تديها كالسيوم بجانب الاهتمام بالاكل الذى يحتوى على كالسيوم زى البيض والجبن عديمة الملح والرضاعة

والتسنين هى مش متاخرة اوى لان المفروض تطلع الاتنين الاولى من 6 الى 9 شهور