انا بنتى عندها سنتين وشهرين مش بترضى تاكل خالص

دكتور لو سمحت ممكن تجاوبنى انا بنتى عندها سنتين وشهرين مش بترضى تاكل خالص لوحدها ولو سبتها يوم كامل من غير اكل مش بتاكل ولا بتطلب الاكل لازم انا اجيب الاكل واحطه فى بقها وبتعد فترة كبيرة قوى على متبلع المعلقه ممكن تعد ربع لثلث ساعه فى بقها معلقه واحده بس ممكن اعرف اتعامل معاها ازاى بس ارجوك ضرورى او اى حد عنده معلومه ممكن يفيدنى

الاجابة

افضل شئ تحاولى تشاركى بنتك فى الاكل وممكن كمان تاكل مع اطفلل فى مثل سنها هتتشجع كتير

وتحاولى تصبرى عليها اكتر لان دى رسالتك كأم وربنا يرزقك الجنة

ابنى عنده سنة واسبوع ووزنه 8كيلو مش بيرضى ياكل ابدا

لو سمحت يا دكتور ابنى عنده سنة واسبوع ووزنه 8كيلو مش بيرضى ياكل ابدا ولو غصبت عليه يرجع الدكتور بيقولى افطميه واحلله دم ابه راى حضرتك

الاجابة

ةونة قليل شوية ياريت نعملة تحليل براز وصورة دم وفطام بلاش الان خالص

ابنى لسة بقالوا 3 ايام مولود ولما بيرضع منى داينا يجيلوا مغص

السلام عليكم انا ابنى لسة بقالوا 3 ايام مولود ولما بيرضع منى داينا يجيلوا مغص بعدها علطول ياريت توصفلى دواء وايضا طالعلة فى سقف بقة زى فسافيس بيضاء كدة مش كتير حوالى 3 عايزة اعرف دول اية والعلاج لو سمحت بردة وازاى اعرف يا دكتور انة مش بيعيط من الجوع يااريت تفيدنى لو سمحت وارجو من حضرتك الرد السريع

الاجابة

بالنسبة للنقط ممكن تكون فطريات وممكن لا فلو فطريات ممكن ميكوناز جيل للبق والاول هتحاولى تشيلى البياض الى على البقع دى بشاشة ثم يتم وضع الجيل فى الفم عادى

المغص ممكن ماء غريب المستورد سعرة تقريبا 30 جنية تديهولة 4 مرات قبل الرضعة بنصف ساعة

الرضاعة اول شهر ممكن اول ما الطفل يطلب من الشهر الثانى كل ساعتين اول ثلاثة فى دورة اسمها لغة الاطفال احنا بنديها علشان نعرفك ازاى تعرفى ان الطفل جعان

مبدائيا الان ممكن لما الطفل يعيط تجربى تديلة وتشوفى هيقبل ولالا

بنتى عمرها اسبوع وبتعيط وتصرخ كتييييييير ولما بتصرخ بتفضل تحزق

بنتى عمرها اسبوع وبتعيط وتصرخ كتييييييير ولما بتصرخ بتفضل تحزق وانا خايفة عليها لانها لما بتصرخ وشها بيحمر جااااامد جدا….الدكتور قال لى اديها اكوا فيرا ودنتينوكس بس مش حاسة بفرق خاااالص…علما بانها عندها غازات كتير اوى …اتصرف ازاى؟

الاجابة

ياريت تستخدمى دونتكس ومعاه دواء اخر للانتفاخ مثل ثامسيكون والعياط دة من المغص والانتفاخ ولو المغص متحسنش ممكن تستخدمى دواء بديل للدونتكس

نقص الوزن فى عمر اسبوع دة طبيبعى وبيحصل لكل الاطفال ولا داعى للقلق

كنت عايزه اعرف وزن تؤام عندهم 11 شهر و20 يوم

هاى دكتور احمد لو سمحت كنت عايزه اعرف وزن تؤام عندهم 11 شهر و20 يوم وكنت عايزه اعرف ايه الاكل اللى ممكن ياكلوه والحلويات ايه

دكتور لوسمحت انا عندى ابنى 11 شهر على طول بيصرخ من غير سبب يبقى من ايه

الاجابة

الوزن المثالى فى السن دة حوالى من 9 ونص وحتى 10 كيلو والاكل ممكن تشوفى النظام الغذائى لعمر سنة

والعياط ممكن يكون من الانتفاخ او المغص