ابني 3 شهور ونص وبياخد لبن ابتاميل وحاسة انه مش بيكبر

دكتور من فضلك ليا بعض الاسئلة:1- ابني 3 شهور ونص وبياخد لبن ابتاميل وحاسة انه مش بيكبر شكله صغير اوي وزنه5 كيلو و700 جرام ايه الاكل اللي ممكن اديهوله في الوقت ده؟

2-واعرف ان الطفل لازم ياخد فيتامين (د) بس مش عارفة في الشهر الكام بالظبط ناس بتقول في الرابع وناس بتقول كان مفروض ياخده في الشهر الثاني راي حضرتك؟

3-وكمان في حاجة انه بيحب ينام علي جنب واحد بس وده عمل شكل مش كويس في راسه سالت الدكتور قالي عادي وهو لما المخ بيكبر الراس بتتظبط لوحدها هل الكلام ده مظبوط؟

الاجابة

بالنسبة للسؤال الاول هو وزنة كويس جدا فواضح ان اللبن كويس لية ومتدهوش اى حاجة غير الرضاعة الى الشهر السادس

بالنسبة لفتامين د نحب ندية فى الشهر الرابع او الخامس

بالنسبة لموضوع الراس هتتظبط لما سنة يكبر باذن الله وياريت تظبطى نومة ووضع راسة

اترك تعليقًا